ട്രസ്റ്റ് ഭരണം

ആദ്യത്തെ വിളക്ക് കമ്മിറ്റിയുടെ 2000-2003 വർഷത്തേക്കുള്ള പ്രധാന ഭരണ സാരഥികളായി ചെയർമാൻ ശ്രീ പി എം ശങ്കരൻ , വൈസ് ചെയർമാൻ  ശ്രീ സി സി അയ്യപ്പൻ , ജനറൽ കൺവീനർ ശ്രീ കെ ആർ സുബ്രമണ്യൻ എന്നിവരും ഉപദേ ശക സമിതി അംഗങ്ങളായി ശ്രീ/ശ്രീമതി ആർ ശാന്തകുമാരി,എ വി ബി മേനോൻ, ജി മോഹനകുമാർ,ഇന്ദിര കൃഷ്ണകുമാർ പി സി ബാബുരാജ്,അഡ്വ കെ രാമചന്ദ്രൻ എന്നിവരെ തിരഞ്ഞെടുത്തു  ട്രസ്റ്റിന്റെ ഭരണ കാര്യങ്ങൾ തീരുമാനിക്കുന്നതിനും നട പ്പിലാക്കുന്നതിനും തപാൽ വകുപ്പിലെ വിദഗ്‌ധ ഓഫീസർമാരായ  ശ്രീ എ വി ബി മേനോൻ, എം സി എസ് നായർ, എ പി ഗോവിന്ദൻ കുട്ടി, പി എം ശങ്കരൻ എന്നിവരടങ്ങുന്ന ഒരു പാനൽ ട്രസ്റ്റിന്റെ ബൈ-ലോ തയ്യാറാക്കി രജിസ്റ്റർ ചെയ്തു, 2004 ലെ ജനറൽ ബോഡി യോഗത്തിൽ 2006 വരെയുള്ള ഭരണ സമിതിയിലേക്ക് ചെയർമാനായി ശ്രീ എ വി ബി മേനോൻ ,വൈസ് ചെയർമാൻ പി സി ബാബുരാജ് സെക്രട്ടറി പി എം ശങ്കരൻ എന്നിവരെയും തിരഞ്ഞെടുത്തു  .2006 ന് ശേഷം ചെയർമാൻ ശ്രീ പി സി ബാബുരാജ് വൈസ് ചെയർമാൻ അഡ്വ കെ രാമചന്ദ്രൻ സെക്രട്ടറി ശ്രീ ഇ സുകുമാരൻ എന്നിവർ ഭരണ സാരഥ്യം ഏറ്റെടുത്തു .പിന്നീട് ശ്രീ പി സി ബാബുരാജ്,അഡ്വ കെ രാമചന്ദ്രൻ എന്നിവരുടെ ദേഹവിയോഗത്തെ തുടർന്ന് ചെയർമാൻ സ്ഥാനത്തേക്ക് ശ്രീ ജി മോഹനകുമാറിനെയും വൈസ് ചെയർമാനായി ശ്രീ സി ആർ രാമകൃഷ്ണനെയും തിരഞ്ഞെടുത്തു. ട്രസ്റ്റ് സെക്രട്ടറിയായി ശ്രീ ഇ സുകുമാരനും അസി.സെക്രട്ടറി എസ് വെങ്കിടേഷും,ട്രഷറർ ശ്രീമതി സി എം ഇന്ദിര യും ഭാരവാഹികളായി ഇപ്പോഴത്തെ പോസ്റ്റൽ ഏകാദശി വിളക്ക് ട്രസ്റ്റിന്റെ  ഭരണസമിതിയിൽ തുടരുന്നു  ഇതു കൂടാതെ ഭരണസമിതിയിൽ 6 പേർ ട്രസ്റ്റിന്റെ ഗവേർണിംഗ് കൗൺസിൽ അംഗങ്ങളായിട്ടുണ്ട്

31.12.2003-ന് കൊച്ചി മദ്ധ്യ മേഖല പോസ്റ്റ്മാസ്റ്റർ ജനറൽ പദവിയിൽ നിന്ന് റിട്ടയർ ചെയ്ത ശേഷം ശ്രീ പി സി ബാബുരാജ് അവർകൾ , തന്റെ റിട്ടയർമെന്റ് ജീവിതം ഗുരുവായൂരപ്പന്റെ പൂർണ്ണ സമയ ഭക്തനായി തുടരുവാനും അദേഹ മെന്നും അകമഴിഞ്ഞ് സ്നേഹിച്ചിരുന്ന സഹപ്രവർത്തകരായ തപാൽ ജീവനക്കാ രോടൊപ്പം ഒത്തൊരുമിച്ചു കഴിയാനുമായാണ് 28.10.2007 ന് പോസ്റ്റൽ ഏകാദശി ട്രസ്റ്റിന്റെ ചെയർമാൻ സ്ഥാനം ഏറ്റെടുത്തത്. അന്ന് മുതൽ ദേഹവിയോഗമുണ്ടാകുന്ന  2019 ലെ വിളക്ക് വരെയുള്ള  ഭരണ കാലഘട്ടത്തിലാണ് തപാൽ വിളക്ക് ആഘോഷ മഹിമ കൂടുതൽ ജീവനക്കാരിലേക്ക് ഭക്തിനിർഭരമായ ഒരാവേശമായി മാറിത്തുടങ്ങിയത് . എല്ലാത്തരത്തിലുള്ള ജീവനക്കാരും വിളക്കിനോട് കൂടുതൽ അടുക്കാനും അതിൽ പ്രവർത്തിക്കാനും തുടങ്ങി. ആഘോഷ പരിപാടികളിൽ തോരണം തൂക്കുവാനും ഭക്ഷണ വിതരണത്തിലും ,സ്റ്റേജ് പ്രോഗ്രാമുകളിലും ക്ഷേത്രത്തിനകത്തെ മേളം ,ഭക്ത ജനങ്ങളുടെ ദർശനം എന്നി എല്ലാ മേഖലയിലും ബാബുരാജ് സാറിന്റെ സാന്നിദ്ധ്യവും ഔദ്യോഗിക വലിപ്പ ചെറുപ്പം നോക്കാതെയുള്ള ഇടപെടലുകളും കൊണ്ട് പൊതുവെ ജനകീയനായ ഉദ്യോഗസ്ഥൻ എന്ന പേരിനു പുറമെ പോസ്റ്റൽ ട്രസ്റ്റിന് അനുയോജ്യനായ ചെയർമാൻ എന്ന വിശേഷണത്തിന് കൂടി അദ്ദേഹം അർഹനായി .ട്രസ്റ്റിന്റെ ഏതൊരു കാര്യത്തിനും ചെറിയ മീറ്റിംഗുകൾക്കും ഒത്തു ചേരലുകൾക്കും അദ്ദേഹം തോളോട് തോൾ ചേർന്നുണ്ടായിരുന്നത് പ്രവർത്തകർക്കുള്ള പറഞ്ഞറിയിക്കാനാവാത്ത ഊർജ്ജമായിരുന്നു. ഏകാദശി വിളക്കിന് അനാരോഗ്യവാനായിട്ടു കൂടി പ്രസന്നതയോടെ ക്ഷേത്രത്തിനകത്തും പുറത്തും ഓഫീസിലും അദ്ദേഹം പ്രവർത്തിച്ചിരുന്നു. ഭഗവാന്റെ ഇച്ഛയെന്നോണം ട്രസ്റ്റ് ചെയർമാനായിരിക്കെ 2019-ലെ പോസ്റ്റൽ ഏകാദശി വിളക്ക് ദിവസം 12.11.2019 ന് അദ്ദേഹത്തെ ശ്രീ ഗുരുവായൂരപ്പന്റെ സവിധത്തിലേക്ക് തിരിച്ചു വിളിച്ചത് ദുഃഖ സ്മരണയായി ഏവരിലുമുണ്ട് , ഇപ്പോഴും വിളക്ക് പ്രവർത്തനങ്ങൾക്ക് ഭഗവാനെ കൈവിട്ടു പോകാത്ത അദ്ദേഹത്തിന്റെ നിശബ്ദമായ സാമിപ്യം പ്രവർത്തകർക്ക് പ്രചോദനമായി തുടരുന്നുണ്ട് 

പോസ്റ്റൽ ഏകാദശി വിളക്ക് ട്രസ്റ്റിന്റെ ഭരണ സമിതിയിയിലേക്ക് ചെയർമാൻ, വൈസ് ചെയർമാൻ,സെക്രട്ടറി, അസി. സെക്രട്ടറി,ട്രഷറർ എന്നിവരെയും കൂടാതെ 6 പേരെ എക്സിക്യുട്ടിവ് മെമ്പർമാരായും വാർഷിക ജനറൽ ബോഡി യോഗത്തിൽ വച്ച് അംഗങ്ങൾ തിരഞ്ഞെടുക്കുന്നു  ഈ 11 പേർ ചേർന്ന് മറ്റു ട്രസ്റ്റ് അംഗങ്ങളിൽ നിന്നും രണ്ടോ മൂന്നോ പേരെ കൂടി ട്രസ്റ്റ് കമ്മിറ്റിയിലേക്ക് നോമിനേറ്റും  ചെയ്യുന്നു 3 വർഷമാണ്. ട്രസ്റ്റ് ഭരണസമിതിയുടെ കാലവുധി ശ്രീ എ വി ബി മേനോൻ ചെയർമാനും ശ്രീ പി എം ശങ്കരൻ സെക്രട്ടറിയുമായിരിക്കെ 01.11.2004 -ൽ All India Postal Employees Committee for Ekadasi Vilakku Celebration  എന്ന നാമധേയം മാറ്റി പോസ്റ്റൽ ഏകാദശി വിളക്ക് ട്രസ്റ്റ് എന്ന പേരിൽ രജിസ്റ്റർ ചെയ്യപ്പെട്ട് ട്രസ്റ്റ്സംഘടന നിലവിൽ വരികയും അതിന്റെ നിയന്ത്രണത്തിൽ എല്ലാ വർഷവും വിളക്ക് ആഘോഷങ്ങളുടെ വിജയകരമായ നടത്തിപ്പിനായി പോസ്റ്റൽ ഏകാദശി വിളക്ക് കമ്മിറ്റി രൂപീകരി ക്കുകയും ആ കമ്മിറ്റിക്ക് പ്രത്യേകം ജനറൽ കൺവീനർ, ട്രഷറർ കൂടാതെ സാമ്പ ത്തികം ,ഭക്ഷണം, കലാരംഗം ,ക്ഷേത്ര കാര്യങ്ങൾ താമസം .അലങ്കാരം മേളം എന്നി ഉപസമിതികളും ഓരോ സമിതിക്കും പ്രത്യേകം ചെയർമാൻ / കൺവീനർ  ഇവരെ സഹായിക്കാൻ ഓരോ സമിതിക്കും വേണ്ടത്ര അംഗങ്ങളും അടങ്ങുന്ന നേതൃത്വ വുമായാണ് വിളക്ക് നടത്തി പോരുന്നത്. ഓരോ വർഷത്തെയും വിളക്ക് ആഘോഷ നടത്തിപ്പിന്റെ ചുമതല അതാതു വർഷം തിരഞ്ഞെടുക്കുന്ന വിളക്ക് കമ്മിറ്റിയും അതിന്റെ വിവിധ ഉപസമിതികളും ചേർന്നാണ് . ട്രസ്റ്റ് വിളക്കിനാവശ്യമായ സാമ്പത്തിക സഹായവും മേൽനോട്ടവും വഹിക്കുന്നു സർവീസിലുള്ളതും വിരമിച്ച തുമായ എല്ലാ ജീവനക്കാർക്കും ട്രസ്റ്റിൽ 1001/- രൂപ അംഗത്വ ഫീസ് നൽകി ആജീവനാന്ത അംഗങ്ങളാകാവുന്നതാണ്

 {സമസ്ത മേഖലയിലും സംഭവിച്ച സാമ്പത്തിക ചെലവ് കണക്കിലെടുത്ത് വരും വർഷം മുതൽ അംഗത്വ ഫീസ് ഉയർത്തുന്നതിനുള്ള തീരുമാനം ജനറൽ ബോഡി യോഗം അംഗീകരിച്ചിട്ടുണ്ട്}. ജീവനക്കാരുടെ കുടുംബാംഗങ്ങൾക്കും (Spouse, അച്ഛൻ, 'അമ്മ,കുട്ടികൾ) അംഗത്വം ലഭിക്കുന്നതാണ്..കേരളത്തിലും ഇതര സംസ്ഥാനങ്ങളിൽ നിന്നുമായി ഇരുപത്തിയഞ്ച് വർഷം പിന്നിടുന്ന വേളയിൽ ട്രസ്റ്റിന്റെ അംഗബലം 3300 ആയിക്കഴിഞ്ഞിരിക്കുന്നു . 2000 മുതൽ ഇങ്ങോട്ട് എല്ലാ വർഷവും ഗുരുവാ യൂർ ക്ഷേത്ര ഏകാദശി മഹോത്സവത്തിൽ തപാൽ വിളക്ക് എല്ലാ അംഗങ്ങളുടെയും ഒറ്റക്കെട്ടായ സഹകരണത്തോടെ അതിഗംഭീരമായി നടത്തി പോരുന്നു . 2018-2019 മുതൽ അതാതു വർഷത്തെ വിളക്കിന്റെ വരവ്-ചെലവ് കണക്കുകൾ വിളക്ക് ആഘോഷങ്ങൾക്ക് ശേഷം ചാർട്ടേഡ് അക്കൗണ്ടന്റ് മുഖേന ഓഡിറ്റ് നടത്തി അതെ വർഷത്തെ ജനറൽ ബോഡി യോഗത്തിൽ അവതരിപ്പിച്ച്‌ അംഗങ്ങളുടെ അംഗീകാരം നേടുകയും ചെയ്യും സ്റ്റേറ്റ് ബാങ്ക് ഓഫ് ഇന്ത്യ, കേരള ഗ്രാമീണ ബാങ്ക് എന്നി ബാങ്കുകളുടെ ഗുരുവായൂർ ശാഖയിലാണ് ട്രസ്റ്റിന്റെ അക്കൗണ്ട് നില നിൽക്കുന്നത് , ഈ വർഷം മുതൽ RBI നിർദ്ദേശ പ്രകാരം സേവിങ്സ് ബാങ്ക് അക്കൗണ്ടായിരുന്ന ട്രസ്റ്റ് അക്കൗണ്ട് കറന്റ് അക്കൗണ്ടാക്കി തരം മാറ്റേണ്ടതുണ്ട് 

3300 ൽ പരം നമ്മുടെ അംഗങ്ങളെ ഏകോപിപ്പിക്കാനും വിളക്ക് വാർത്തകൾ എല്ലാവരിലേക്കും എത്തിക്കുവാനും അംഗങ്ങളുടെ അഭിപ്രായങ്ങൾ പങ്കു വയ്ക്കു ന്നതിനുമായി  കേരളത്തിലെ മൂന്ന് പോസ്റ്റൽ റീജിയണുകൾക്കും വിളക്ക് ട്രസ്റ്റിന്റെ പ്രത്യേക വാട്സ്ആപ് ഗ്രൂപ്പുകൾ തുടങ്ങിയിട്ടുണ്ട് .മറ്റു സംസ്ഥാനങ്ങളിൽ ഉള്ള വർക്ക് വേണ്ടി മറ്റൊരു ഗ്രൂപ്പും ഉണ്ടാക്കിയിട്ടുണ്ട്. പോസ്റ്റൽ ഏകാദശി വിളക്കി ന്റെ സമഗ്ര വിവരങ്ങൾ അടങ്ങിയ കൂടുതൽ പരിഷ്കരിച്ച വെബ് സൈറ്റ് കൂടി താമസിയാതെ നിലവിൽ വരുന്നുണ്ട് . ട്രസ്റ്റിന്റെ വൈസ് ചെയർമാൻ ശ്രീ സി ആർ രാമകൃഷ്ണനാണ്(മുൻ ഡയറക്ടർ ഓഫ് പോസ്റ്റൽ സർവീസസ് തിരുവനന്തപുരം) ട്രസ്റ്റിന്റെ വിവര സാങ്കേതികതാ വിഭാഗം കൈകാര്യം ചെയ്യുന്നത്.

ട്രസ്റ്റ് കെട്ടിടം /ഓഫീസ്

ട്രസ്റ്റ് അംഗങ്ങൾ നിരന്തരം ഉന്നയിച്ചു കൊണ്ടിരുന്ന ഒരു ആവശ്യമായിരുന്നു ഗുരുവായൂരിൽ ട്രസ്റ്റിന്റെ സ്വന്തം പേരിലൊരു ഓഫീസ്/ഹോളിഡേ ഹോം കെട്ടിടം. വേണമെന്നുള്ളത് നിരവധി ജനറൽ ബോഡി യോഗത്തിലും അംഗങ്ങൾ കമ്മിറ്റിയു മായി ഈ വിഷയം ചർച്ച ചെയ്യുകയുണ്ടായിട്ടുണ്ട് .2002 ൽ പുറത്തിറക്കിയ ഏകാദശി വിളക്കിന്റെ ബ്രോഷറിൽ, നമുക്കൊരു സ്വന്തമായി കെട്ടിടം വേണമെന്ന ആവശ്യം ഊന്നിപ്പറഞ്ഞിട്ടുണ്ട്  വളരെ കാലത്തെ ശ്രമഫലമായി കിഴക്കെ നടയിൽ . ദേവസ്വം ഇംഗ്ലീഷ് മീഡിയം സ്കൂളിന് സമീപം 4.77 സെന്റ് ഭൂമിയും അതിൽ ഏകദേശം 700 .സ്ക്വയർ ഫീറ്റ് ഓഫീസ് ഉപയോഗത്തിന് ഉതകുന്ന ഒരു വീടും ട്രസ്റ്റ് സ്വന്തമാക്കി .അംഗങ്ങളുടെ നിർലോഭമായ സഹകരണവും പിന്തുണയും ഈ സംരംഭത്തിനുണ്ടായിരുന്നത് പ്രത്യേകം സ്മരിക്കേണ്ടതാണ് .500/- മുതൽ 50,000/- രൂപ വരെ ചെറുതും വലുതുമായ സംഭാവനകൾ ലഭിക്കുകയും വർഷങ്ങളോളമായി സ്വപ്ന പദ്ധതിയായി നമ്മൾ മനസ്സിൽ കൊണ്ട് നടന്നിരുന്ന ഒരാവശ്യം 07.05.2014 ന് രജിസ്ട്രേഷൻ നടപടികൾ പൂർത്തിയാക്കിയതോടെ യാഥാർഥ്യമായി തീരുകയായി രുന്നു . സാമ്പത്തിക ഞെരുക്കത്തിൽ കഴിഞ്ഞിരുന്ന ട്രസ്റ്റിന് കെട്ടിടം വാങ്ങുന്നതിന് അഡ്വാൻസ് ധന സഹായ തുക തന്നു സഹായിച്ചത് ശ്രീ വി കെ ഗോപിനാഥൻ , സി ഉണ്ണികൃഷ്ണ മേനോൻ ,പി സി ബാബുരാജ്,അഡ്വ കെ രാമചന്ദ്രൻ,  എന്നിവരെ ഇത്തരുണത്തിൽ ഓർക്കാതെ വയ്യ.  ഇതിനോടകം അംഗബലം കൊണ്ടും വിളക്ക് ആഘോഷങ്ങളുടെ വിപുലമായ നടത്തിപ്പ് കൊണ്ടും വളർന്നു പന്തലിച്ച പോസ്റ്റൽ വിളക്ക് ട്രസ്റ്റിന്റെ ,  എക്സിക്യൂട്ടീവ് കമ്മിറ്റി മീറ്റിങ്‌, നോട്ടീസ്/പ്രസാദം വിതരണം വിളക്കിന്റെ വിവിധ സബ്കമ്മിറ്റി മീറ്റിംഗുകൾ  ഫയലുകളും റെക്കോർഡ് രെജിസ്ട്രറുകളും മറ്റും സൂക്ഷിക്കുന്നതിനും തുടങ്ങി ഈ ഓഫീസ് കെട്ടിടം,ട്രസ്റ്റിന്റെ ദൈനംദിനമെന്നോണമുള്ള ഒട്ടേറെ ആവശ്യങ്ങൾക്ക് വളരെ പ്രയോജനപ്പെടുക യുണ്ടായി.. ആദ്യ വർഷങ്ങളിലൊക്കെ ഏകാദശി വിളക്കിനോടനുബന്ധിച്ച്‌ വിളക്കിന് മുൻപും പിൻപും ഏതാനും മാസങ്ങൾ പ്രവർത്തകർ ഗുരുവായൂരിൽ ഹോട്ടലു കളിൽ തങ്ങിയും വീടുകളിൽ നിന്ന് വന്നുമാണ്  അതിന്റെ ജോലികൾ നിർവഹി ച്ചിരുന്നത് .പക്ഷെ ഇപ്പോൾ വിളക്കിനോടനുബന്ധിച്ച്‌ ഭാരിച്ച ഒരു പാട് ജോലികൾ , ഗുരുവായൂരും പരിസര പ്രദേശങ്ങളിലുമായി ബന്ധപ്പെട്ടു കിടക്കുന്നതിനാലും ദേവസ്വം ഓഫീസിലെ വിവിധ ഡിപ്പാർട്ടമെന്റുമായി പല തവണ പല ആവശ്യ ങ്ങൾക്ക് നിത്യമെന്നോണം പോകേണ്ടതുകൊണ്ടും വിളക്കിനു മുൻപും ,  ശേഷമുള്ള  പ്രസാദ വിതരണം എന്നിങ്ങനെ ഏതാണ്ട് ഒരു വർഷം തന്നെ വിളക്ക് പ്രവർത്തന ങ്ങൾക്ക് അതിന്റെ പ്രവർത്തകർക്ക് ജോലികൾ ഉള്ളതിനാൽ ഗുരുവായൂരിൽ വന്നു പോകുകയോ തങ്ങുകയോ ചെയ്യേണ്ടിയിരിക്കുന്നു , അതിനെല്ലാം സ്വന്തമായി ട്രസ്റ്റ് കെട്ടിടം ഉള്ളത് കൊണ്ട് അതിന്റെ പ്രസക്തി ഏറി വന്നിട്ടേയുള്ളൂവെന്ന് നിസംശയം പറയാം  ഗുരുവായൂർ പോസ്റ്റ് ഓഫീസ് കെട്ടിടം റിപ്പയർ ആവശ്യങ്ങൾക്കായി പൊളിച്ചു പണിയുമ്പോൾ , 2025 മാർച്ചിൽ ഒഴിഞ്ഞു അടുത്ത ഒരു വർഷത്തേക്ക് 3 കി.മി അകലെയുള്ള മുതുവട്ടൂർ BSNL ഓഫീസ് കെട്ടിടത്തിലേക്ക് മാറുന്ന അവസരത്തിൽ , 2025 ലെ ഏകാദശി വിളക്ക് ആവശ്യങ്ങൾക്ക് ട്രസ്റ്റിന്റെ സ്വന്തം പേരിലുള്ള കെട്ടിടം സമീപത്തു ഉള്ളത് വളരെ ആശ്വാസകരമായി തീർന്നിരിക്കു കയാണ് ഒരു ഓഫീസ് ഉപയോഗത്തിന് അനുയോജ്യമാക്കുന്നതിന് വേണ്ടി കെട്ടിടത്തിന് അറ്റകുറ്റ പണികളും പിന്നീട് നടത്തുകയുണ്ടായി. ദേവസ്വം സ്കൂൾ റോഡിൽ നിന്നും ട്രസ്റ്റ് കെട്ടിടത്തിലേക്ക് ഇരു ചക്ര വാഹനങ്ങൾക്ക് മാത്രം കടന്നു പോകാവുന്ന ഒരിടവഴിയാണ് ഉണ്ടായിരുന്നത് സമീപ വീടുകളുമായി സഹകരിച്ച്‌ നാല് ചക്ര വാഹനങ്ങൾ കടന്നു പോകാവുന്ന വീതിയിൽ ഒരു റോഡ് നിർമ്മിച്ച് ഓഫീസ് കെട്ടിടത്തിലേക്കുള്ള വഴി സുഗമമാക്കി ഈ കെട്ടിടത്തിലാണ് ഇപ്പോൾ ട്രസ്റ്റ് ഓഫീസ് പ്രവർത്തിച്ചു വരുന്നത്. ഓഫീസ് ആവശ്യങ്ങൾക്ക് പുറമെ നമ്മുടെ അംഗങ്ങൾക്ക് ഗുരുവായൂരിൽ വന്നു താമസിച്ചു തൊഴുവാനുള്ള ഒരു സൗകര്യം കൂടി കെട്ടിടത്തിൽ ഉൾപ്പെടുത്തുവാനുള്ള ഉദ്ദേശ്യവും ട്രസ്റ്റിനുണ്ടായിരുന്നു പക്ഷെ ഒട്ടേറെ പ്രതിസന്ധികൾ കൂടി നാം മുന്നിൽ കാണേണ്ടതുണ്ട്. ട്രസ്റ്റ് കെട്ടിടം ഗുരുവാ യൂർ ക്ഷേത്രത്തിൽ നിന്നും ഏകദേശം 500 മീറ്റർ അകലത്തിലാണ് സ്ഥിതി ചെയ്യുന്നത്. അത് കൊണ്ട് തൊഴുവാനായി  പുലർച്ചെയും രാത്രിയുമുള്ള പ്രായമാ യവർക്കുള്ള  യാത്രകൾ പ്രയാസമനുഭവപ്പെട്ടേക്കാം.. ഹോളിഡേ ഹോമായി പ്രവർ ത്തനമാരംഭിക്കുവാൻ ഇപ്പോഴത്തെ ഓഫീസ് സംവിധാനം കഴിഞ്ഞുള്ള മുറികൾ പര്യാപ്തവുമല്ല.,ചുരുങ്ങിയ തോതിൽ ഒന്നോ രണ്ടോ കുടുംബങ്ങൾക്ക് താമസിക്കു വാൻ പാകത്തിൽ നിലവിലുള്ള കെട്ടിടത്തിന് ചെറിയ  തോതിലുള്ള പുനർ നിർ മ്മാണം തന്നെ വേണ്ടി വരും .സാമ്പത്തിക ബാധ്യതക്കു പുറമെ ,ഹോളിഡേ ഹോ മിന്റെ പ്രവർത്തനത്തിന് ആവശ്യമായ കെയർടേക്കർ ഉൾപ്പടെയുള്ള ജോലിക്കാ ർ,അവരുടെ വേതനം എന്നി വിഷയങ്ങളിലൊക്കെ ആശങ്കയും അവ്യക്തതയും നിലനിൽക്കുന്നുണ്ട് .കൂടാതെ നിലവിലെ കെട്ടിടത്തിന്റെ മുകളിൽ പുതിയ മുറികൾ നിർമ്മിക്കുന്നതിനെക്കുറിച്ചുള്ള വിദഗ്ധ നിർദ്ദേശങ്ങൾ ആരായേണ്ടതുണ്ട്, വലിയ മഴ ക്കാലത്ത് ഈ പ്രദേശം ചെറിയ തോതിൽ മഴ വെള്ളം കയറുന്നതിനാൽ  അത്തര മൊരു പ്രതിസന്ധിയും നിലനിൽക്കുന്നുണ്ട് ഇതിനെല്ലാം പ്രതിവിധി കണ്ടെത്തി വേണം ഹോളിഡേ ഹോമെന്ന ആശയത്തിന് മുന്നോട്ടിറങ്ങാൻ . താമസിയാതെ ഇതിനെല്ലാം പരിഹാരമുണ്ടാകുമെന്ന് കരുതുന്നുഅത്തരം നിരവധി പദ്ധതികളുടെ പ്രാരംഭ പ്രവർത്തനങ്ങൾ ട്രസ്റ്റ് ചെയ്തു വരികയാണ് ഭാവി നാളുകളിൽ സാമ്പത്തിക നില കൂടി ഭദ്രപ്പെടുത്തി അങ്ങനെ യൊരു സൗകര്യം കൂടി ട്രസ്റ്റ് കെട്ടിടത്തിൽ നടപ്പാകും എന്നുള്ള പ്രതീക്ഷയിലാണ് ട്രസ്റ്റ് .  

മറ്റൊരു സുപ്രധാന കാര്യം, ട്രസ്റ്റ് ബൈ-ലോ പ്രകാരം,പോസ്റ്റൽ ഏകാദശി വിളക്ക് നടത്താൻ കഴിയാതെ വരികയോ പ്രവർത്തകർ ആരുമില്ലാതെ ട്രസ്റ്റ് പ്രവർത്തനങ്ങൾ നിലച്ചു പോകുന്ന സാഹചര്യമുണ്ടായാൽ ഓഫീസ് കെട്ടിടം ഉൾപ്പടെ മറ്റു ട്രസ്റ്റ് വക നിലനിൽക്കുന്ന അപ്പോഴത്തെ എല്ലാ സ്വത്തുക്കളും ഗുരു വായൂർ ദേവസ്വത്തിലേക്ക് ലയിച്ചു ചേരുന്നതാണ്

ഭാവി പരിപാടികൾ

രജത ജൂബിലിക്ക് ശേഷമുള്ള ട്രസ്റ്റിന്റെ ഭാവി പരിപാടികൾ പല ഘട്ട ങ്ങളിലായി ആവിഷ്കരിച്ചു നടപ്പിലാക്കാൻ വ്യക്തമായ രൂപരേഖ തയാറാക്കി വച്ചിട്ടുണ്ട് . അടിസ്ഥാന പരമായി ട്രസ്റ്റ് കെട്ടിടത്തിൽ താമസ സൗകര്യം ഏർപ്പെടുത്തേണ്ടതുണ്ട്.. ഓരോ ഡിവിഷനിലും ഏകാദശി ട്രസ്റ്റ് പ്രവർത്തനങ്ങൾ ഊർജ്ജിതപ്പെടുത്തേണ്ടതുണ്ട്. അതിനായി ഓരോ തപാൽ ഡിവിഷനുകളിലും വിളക്കിന്റെ വിജയകരമായ നടത്തിപ്പിന് ട്രസ്റ്റ് അംഗങ്ങളുമായുള്ള ബന്ധം ഊട്ടിയുറപ്പിക്കുന്ന രീതിയിലുള്ള ഡിവിഷണൽ തല കൂട്ടായ്മകൾക്ക് രൂപം കൊടുക്കുക പോസ്റ്റൽ വിളക്കിന്റെ പ്രവർത്തനങ്ങളും ആഘോഷ പരിപാടികളും കൂടുതൽ മെച്ചപ്പെട്ട രീതിയിൽ സംഘടിപ്പിക്കുവാനുള്ള പുതിയ ആശയങ്ങൾക്ക് വേദിയൊരുക്കി അവ പ്രാവർത്തികമാക്കുക , പുതിയ തലമുറയെ വിളക്ക് സംഘാടനത്തിൽ ഉൾപ്പെടുത്തി കൊണ്ട് യുവാക്കളെ ട്രസ്റ്റിനോട് വരും കാലത്തേക്ക് ചേർത്തു നിർത്തുക .ഗുരുവായൂർ ഏകാദശി വിളക്ക് ആഘോഷങ്ങൾ മാത്രമല്ലാതെ സാമൂഹിക തലത്തിൽ ട്രസ്റ്റിന്റെ പ്രവർത്തനങ്ങൾ വ്യാപാരിപ്പിക്കുന്നതിനു വേണ്ടി കേരള കലാമണ്ഡലത്തിന്റെ സഹായത്തോടെ ഓരോ വർഷവും ക്ഷേത്ര കലകളിൽ  മികച്ച ഒരു കലാകാരന് / കലാകാരിക്ക് അല്ലെങ്കിൽ ഭാവി വാഗ്ദാനമായേക്കാവുന്ന കലാപ്രതിഭക്ക്‌  പോസ്റ്റൽ ഏകാദശി വിളക്ക് -ട്രസ്റ്റിന്റെ പേരിൽ  അവാർഡ് നൽകുക,എന്നി ആശയങ്ങൾക്കും  ഭാവി പരിപാടികളിൽ ഇടം കൊടുത്തിട്ടുണ്ട്. ഈ ഭാവി പരിപാടികളെക്കുറിച്ചും അംഗങ്ങളുടെ നവീനമായ ആശയങ്ങളിലും വരാനിരിക്കുന്ന ജനറൽബോഡി യോഗത്തിൽ വിശദമായ ചർച്ചയും അഭിപ്രായ ഏകികരണവുമുണ്ടാക്കി അതിനനുസൃതമായി ട്രസ്റ്റ് പ്രവർത്തിക്കുന്നതായിരിക്കും.

പോസ്റ്റൽ ഏകാദശി വിളക്ക് എന്ന വിശാലമായ ആശയവും അതിന്റെ നിർവഹണവും സാധ്യമാക്കിയ ഈ സ്വപ്നത്തിനു പിറകെ യാതൊരു പ്രതിഫലേച്ഛയും കൂടാതെ പിന്തുടരുന്ന ചിലരുണ്ട് . ഭഗവാനോടുള്ള ഭക്തി കൊണ്ടോ പരസ്പരം കൈ വിട്ടു പോകാത്ത ഭക്തിയെന്നു തന്നെ വിളിക്കപ്പെടാവുന്ന സൗഹൃദം കൊണ്ടോ ഒക്കെ തന്നെ അവരിപ്പോഴും ഇതിനോടൊപ്പം സഞ്ചരിച്ചുകൊണ്ടി.രിക്കുന്നുണ്ട് . പലർക്കും പലതായി വെളിപ്പെടുന്നതാണ് ഭക്തിയും അതിൽ സമർപ്പിതമായ ഏകാദശി വിളക്കും. പല പല അനുഭവങ്ങൾ ഒന്നിൽ തൊട്ടു നീണ്ടു നീണ്ടു പോകുന്ന ആത്മബന്ധത്തിന്റെ ചങ്ങാത്തങ്ങൾ വർഷത്തിലൊരിക്കൽ പൂക്കുന്ന തമ്മി ലറിയാവുന്ന മനുഷ്യർ തമ്മിലുള്ള കൂടിച്ചേരലുകളുടെ വസന്തകാലം. എല്ലാറ്റിനും സാക്ഷിയായി എല്ലാമറിയുന്ന പ്രപഞ്ച നാഥൻ  പ്രേമ സ്വരൂപനായി പുഞ്ചിരിച്ചു നിൽക്കുന്ന ഭഗവാൻ ശ്രീ ഗുരുവായൂരപ്പൻ  കൂടെ കൂടിയവർ നിരവധിയാണ് ഐക്യത്തോടെയല്ലാതെ ചെയ്തു തീർക്കാനാവില്ല ഈ മഹാ സംരംഭം . ഒരു പക്ഷെ ഭഗവാനും കാംക്ഷിക്കുന്നത് അതാവാം. നിങ്ങൾ എല്ലാവരും ഒരേ മനസ്സോടെ എന്റെ അരികിൽ വരൂയെന്ന്.  മുന്നിൽ തെളിയുന്ന മുഖങ്ങൾ നിരവധിയാണ് വിളിക്കുമ്പോൾ കൂടെ വരുന്നവർ ഒരു പാടുണ്ട് , പേരെടുത്തു പറയാൻ കഴിയാത്ത യത്ര തളരുമ്പോൾ താങ്ങായ സ്നേഹിതർ, കൂടെയുണ്ടെന്നു കൈപിടിക്കുന്ന സഹപ്രവർത്തകർ, മുന്നിൽ നയിക്കാൻ സ്നേഹ സമ്പന്നരായ മേലുദ്യോഗസ്ഥന്മാർ, എല്ലാവരും പ്രിയപ്പെട്ടവരാണ്. ഈ പ്രിയതരമായ സ്നേഹ സാന്നിധ്യങ്ങളെന്നും ഒപ്പമുണ്ടാകണമെന്നുള്ള ശ്രീ ഗുരുവായൂരപ്പനോടുള്ള പ്രാർത്ഥനയോടെ  എല്ലാവർ ക്കും  നന്ദിയുടെ കൂപ്പു കൈ. നന്മ നിറഞ്ഞ പ്രാർത്ഥന.

ഈ നീണ്ട 25 വർഷങ്ങൾ കൂടെ നിന്ന എല്ലാ സഹായങ്ങളും നൽകിയ തപാൽ വകുപ്പിലെ മുഴുവൻ സർവീസ് സംഘടനാ ഭാരവാഹികളോടും നന്ദി പറയുന്നു .ഇനിയും എല്ലാവരും ചേർത്തുപിടിക്കുമെന്നു തന്നെ പ്രതീക്ഷിക്കുന്നു . ഒരിക്കൽ കൂടി ഈ യാത്രയിൽ പിന്തുണച്ച ഏവർക്കും നന്ദി 

********